Samsung mikrodalğalı sobası qızdırmırsa, nə etməli?

Mikrodalğalı soba da digər güclü elektrik cihazları (paltaryuyan və ya qabyuyan maşın, plitə, duxovka) kimi keyfiyyətli elektrik enerjisi tələb edir.

Şəbəkədəki gərginlik bir neçə səbəbdən dəyişə bilər: uzadıcı istifadəsi, şəbəkənin həddən artıq yüklənməsi və ya elektrik naqillərinin keyfiyyəti.

• Üçlü rozetkalar, uzadıcılar və adapterlər elektrik enerjisinin keyfiyyətini pisləşdirir, çünki onlar belə yüksək gücə hesablanmayıb və çox vaxt keyfiyyətsiz olur. Soba normal işləsin deyə onu birbaşa ayrıca rozetkaya qoşun.
  
  
• Şəbəkə xüsusilə qışda, eyni anda çoxlu elektrik cihazı işlədiləndə həddən artıq yüklənə bilər. Eyni problem elektrik gücü məhdud olan kiçik yaşayış məntəqələrində də olur.
  
  
• Elektrik naqillərinin keyfiyyəti də gərginliyə təsir edir. Naqilləri yoxlatmaq və nasazlığı aradan qaldırmaq üçün elektrik ustasına müraciət edin.

Sobanın ətrafında lazımi boş yer saxlanılmasa, soba düzgün işləməyə bilər.

• Ayrıca qoyulan modellərdə sobanın ətrafında bu qədər boş yer saxlayın: arxadan və yanlardan — 10 sm, yuxarıdan — 20 sm.
• Mebelə quraşdırılan modellərdə boş yerin ölçüsünü istifadəçi təlimatından öyrənin. Təlimatı Təlimatlar & yükləmələr bölməsindən yükləyə bilərsiniz.

1. Stəkana 100–150 ml otaq temperaturunda su tökün. Soyuq su götürsəniz, o daha zəif qızacaq.
2. Stəkanı fırlanan boşqabın ortasına qoyun.
3. Mikrodalğalı rejimini və maksimum gücü seçin — adətən 800 və ya 1000 Vt.
4. Sobanı 3 dəqiqə işlədin.

Stəkanı mətbəx tutacağı və ya dəsmalla çıxarın — o, çox isti ola bilər.

• Su isti olubsa — soba sazdır.
• Su azca ilıqdırsa və rejim düzgün seçilibsə, çox güman ki, səbəb şəbəkədə gərginliyin aşağı olmasıdır. Bir qədər sonra yoxlamanı təkrarlayın.
• Su heç qızmayıbsa və əvvəlki temperaturda qalıbsa — soba təmir olunmalıdır.

Nasazlığın dəqiq səbəbini evdə, xüsusi bilik olmadan müəyyən etmək mümkün deyil, buna görə sobanı servis mərkəzinin ustası yoxlamalıdır.